LEX lögmannsstofa

Birgir Már Björnsson er hæstaréttarlögmaður með leyfi til málflutnings fyrir héraðsdómi, Landsrétti og Hæstarétti. Birgir lauk BA prófi í lögfræði frá Háskóla Íslands árið 2007 og meistaraprófi frá sama skóla árið 2009. Frá þeim tíma starfaði hann sem lögmaður hjá Acta lögmannsstofu og síðar Megin lögmannsstofu fram til ársins 2011 er hann hóf störf á LEX þar sem hann hefur starfað óslitið síðan.

Guðrún Lilja Sigurðardóttir er lögmaður með leyfi til málflutnings fyrir Landsrétti. Í störfum sínum hjá LEX hefur Guðrún Lilja lagt megináherslu á samkeppnisrétt, skattarétt og félagarétt , auk þess sem hún hefur annast verkefni á sviði sjó- og flutningaréttar, samningaréttar, málflutnings og gjaldþrotaréttar, einkum mál er varða riftun og endurheimt verðmæta.

Ólafur er hæstaréttarlögmaður með réttindi til málflutnings fyrir héraðsdómi, Landsrétti og Hæstarétti. Ólafur hóf störf hjá Málflutningsskrifstofunni Suðurlandsbraut 4A að loknu lagaprófi árið 1992 en hóf svo eigin rekstur á árinu 1995. Hann gekk til liðs við LEX á árinu 1999 og hefur starfað þar óslitið síðan.

Garðar Víðir Gunnarsson gekk til liðs við LEX árið 2009 og hefur verið á meðal eigenda síðan 2013. Hann er helsti sérfræðingur LEX á sviði skattaréttar og hefur veitt fjölmörgum fyrirtækjum, bæði innlendum og erlendum, ráðgjöf á sviði skattamála.

Guðmundur Ingvi sérhæfir sig í félagarétti, kaup og sölu fyrirtækja (M&A) og fjármögnun fyrirtækja, hvort sem hún er gerð með hlutafjáraukningu, lántöku eða skuldabréfaútgáfu.