Málflutningur og gerðarmeðferð
LEX lögmannsstofa hefur ávallt verið í fararbroddi og lagt mikinn metnað í að veita framúrskarandi þjónustu á sviði málflutnings fyrir íslenskum dómstólum sem og alþjóðadómstólum.
Sérhæfð þekking og reynsla
Á LEX lögmannsstofu starfa lögmenn með sérhæfingu í málflutningi fyrir dómstólum, gerðardómum og stjórnvöldum. Þeir búa yfir víðtækri reynslu á þessum sviðum og hafa leitt fjölda flókinna ágreiningsmála til lykta með farsælum hætti.
Þegar málsmeðferð krefst sérfræðiþekkingar á tilteknum réttarsviðum njóta umbjóðendur LEX lögmannsstofu jafnframt stuðnings annarra sérfræðinga innan stofunnar. Þessi þverfaglega nálgun tryggir að hver viðskiptavinur njóti þjónustu sem byggir á samvinnu sérfræðinga LEX lögmannsstofu, þar sem sameinuð reynsla og sérþekking þeirra tryggir vandaða og heildstæða ráðgjöf.
Lögmenn LEX hafa mikla og dýrmæta reynslu af úrlausn ágreiningsmála fyrir öllum dómstigum íslensks réttarkerfis, þar með talið héraðsdómstólum, Landsrétti og Hæstarétti Íslands. Þá hafa þeir einnig komið að málflutningi fyrir Mannréttindadómstóli Evrópu og EFTA-dómstólnum, auk þess að hafa umfangsmikla reynslu af málarekstri fyrir gerðardómum og stjórnvöldum.
