Eva Margrét Ævarsdóttir sem leiðir ráðgjöf í sjálfbærni (ESG – e. Environmental, social, governance) á LEX skrifaði grein í Innherja, viðskiptamiðil Vísis, um ábyrgar fjárfestingar og áhættur sem fylgja slíkum fjárfestingum, ekki síst hættuna á grænþvotti. Áhugi fjárfesta á því að beina fjármagni sínu í farveg sem byggir á sjálfbærniþáttum hefur vaxið gríðarlega á síðustu misserum. Aðhald og eftirlit vegna ætlaðs grænþvottar er að aukast mikið á flestum markaðssvæðum og nefnir hún nýleg dæmi.

UTmessan 2022 verður haldin á Grand hótel miðvikudaginn 25. maí næstkomandi. Lára Herborg Ólafsdóttir lögmaður og eigandi á LEX mun kl. 13.30 þann dag flytja fyrirlesturinn „Hvernig temjum við dreka? Fyrirhugað regluverk Evrópusambandsins um gervigreind“

Flestir kannast við vélmennið HAL 9000 úr mynd Stanley Kubrick, 2001: A Space Odyssey, sem eftirminnilega neitaði að framfylgja mannlegri skipun með orðunum: „I´m sorry Dave – I´m afraid I can´t do that“. Síðan myndin kom út árið 1968 hefur talsvert vatn runnið til sjávar og mikið verið rætt um tækifærin sem fylgja aukinni notkun gervigreindar en jafnframt áhætturnar, m.a. vegna hættu á hlutdrægni og mismunun vegna gagnanna sem stuðst er við.

Framkvæmdastjórn Evrópusambandsins birti í vor drög að nýrri reglugerð um notkun á gervigreind innan Evrópusambandsins. Markmið regluverksins er m.a. að hafa áhrif á þær aðferðir sem notast er við þegar fyrirtæki þróa, markaðssetja og nota stafræna tækni í hinum ýmsu formum. Farið verður yfir fyrirhugaðar reglur og hvaða áhrif þær koma til með að hafa á fyrirtæki sem þróa gervigreindarlausnir.

LEX tekur jafnframt þátt á sýningarsvæði UTmessunnar, þar sem okkar fremstu lögfræðingar í hugaverka- og tæknirétti munu taka vel á móti gestum.

Morgunblaðið birti í dag grein eftir Láru Herborgu Ólafsdóttur, lögmann og eiganda á LEX þar sem hún fjallar um lagaumgjörðina í kring um vefkökur á vefsvæðum, þá sér í lagi með tilliti til persónuverndar. Nýverið komust austurrísk og frönsk persónuverndaryfirvöld að þeirri niðurstöðu að notkun á Google analytics bryti í bága við persónuverndarreglugerðina.

Í gær var nýsköpunarvikan, Iceland Innovation week, sett í Grósku. Nýsköpunarvikan er hátíð þar sem fyrirtæki og frumkvöðlar standa fyrir nýsköpunartengdum viðburðum. Í gær gafst kostur á að hlýða á frásagnir af starfsemi ýmissa nýsköpunarfyrirtækja og ráðherra háskóla, iðnaðar og nýsköpunar kynnti hið nýja ráðuneyti sitt. LEX styður heilshugar við nýsköpun og var með pop-up lögmannsstofu við opnunina.

Kristinn Ingi Jónsson, lögfræðingur og fulltrúi á LEX, skrifaði nýverið grein í Innherja, viðskiptamiðil Vísis, um það vandasama viðfangsefni útgefenda skráðra fjármálagerninga að meta hvenær upplýsingar eru „nægjanlega tilgreindar“ til þess að teljast til innherjaupplýsinga. Í greininni er meðal annars varpað ljósi á nýlegan dóm Hæstaréttar Noregs um álitaefnið og hann borinn saman við dómaframkvæmd Evrópudómstólsins.

Matsfyrirtækið Legal 500 hefur birt nýjasta mat sitt á íslenska lögfræðimarkaðnum. LEX lögmannsstofa, ein af þeim íslensku lögmannstofum sem bjóða upp á fulla þjónustu, hefur enn og aftur verið flokkuð í hæsta gæðaflokki (Tier 1) í öllum þeim flokkum sem metnir eru hjá Legal 500. Þeir flokkar sem Legal500 metur eru:

1. Banking, finance and capital markets
2. Commercial, corporate and M&A
3. Dispute Resolution
4. EEA and competition
5. Employment
6. Maritime and transport
7. Real estate and construction
8. Restructuring and insolvency
9. TMT and IP

Gamalkunnug andlit á LEX eru, eins og undanfarin ár, nefnd sem „leading individuals“ eða í „Hall of fame“ á sínu sviði. Að auki hafa mörg ný andlit frá LEX bæst við í matinu sem “leading individuals”, “next generation partners” og “rising stars” og staðfestir það dýptina í þjónustuframboði LEX.

LEX er ein af fremstu lögmannsstofum landsins, skipuð um 40 lögmönnum sem veita viðskiptavinum alhliða þjónustu á sviði fjármála- og félagaréttar auk flestra annarra sviða íslensks réttar.

Í 33 ár hefur The Legal 500 greint lögmannsstofur um allan heim, með ítarlegri rannsóknaráætlun sem er endurskoðuð og uppfærð árlega til að koma með nýjustu sýn á alþjóðlegan lögfræðimarkað.

Sérblaðið Sjálfbær rekstur fylgdi með Fréttablaðinu í dag. Í blaðinu er rætt við Evu Margréti Ævarsdóttur lögmann, sem leiðir þjónustu LEX á sviði sjálfbærni og UFS-ráðgjafar. Hún talar um áhrifin af innrás Rússa í Úkraínu og hvernig margar af afleiðingum átakanna í Úkraínu geti flokkast sem sjálfbærniáhætta sem muni líklega hafa áhrif á sjálfbærnivinnu fyrirtækja og fjárfesta. Hún bendir á að mikilvægt sé að þekkja og greina sjálfbærniáhættu, þar með talið í birgðakeðjum. Eva segir starfsfólk LEX hafa fundið fyrir aukinni eftirspurn eftir sjálfbærniráðgjöf en LEX hafi byggt upp reynslu og þekkingu í innleiðingu sjálfbærnimarkmiða eftir viðurkenndum aðferðum sem notuð er í ráðgjöf til viðskiptavina.

María Kristjánsdóttir hefur undirritað samning við LEX um að gerast meðeigandi LEX að G.H. Sigurgeirsson ehf. LEX keypti G.H. Sigurgeirsson árið 2018 og frá þeim tíma hefur María spilað lykilhlutverk í rekstri félagsins sem hefur gengið mjög vel. Frá upphafi árs 2021 hefur María verið framkvæmdastjóri félagsins.

G.H. Sigurgeirsson er dótturfélag LEX, sem veitir alhliða ráðgjöf og þjónustu á sviði hugverkaréttar, einkum hvað varðar vörumerki, hönnun og einkaleyfi.

María hefur starfað á LEX frá árinu 2008 og hefur frá þeim tíma verið hluti af hugverkateymi LEX þar sem hún hefur einkum einbeitt sér að vörumerkjarétti, auk þess sem hún hefur sinnt öðrum réttarsviðum eins og samkeppnisrétti, persónuvernd o.fl.

Hún útskrifaðist frá Háskólanum í Reykjavík árið 2007 og lauk LL.M gráðu frá Fordham University í New York árið 2008.

Á aðalfundi LEX sem haldin var þann 18. mars s.l. var kosin ný stjórn LEX. Guðmundur Ingvi Sigurðsson sem setið hefur í stjórn LEX frá árinu 2014 og þar af sem formaður frá árinu 2019 ákvað að gefa ekki kost á sér til áframhaldandi stjórnarsetu og í hans stað var kosin Óskar Sigurðsson. Nýja stjórn LEX skipa því:

• Kristín Edwald
• Ólafur Haraldsson
• Lára Herborg Ólafsdóttir
• Garðar Víðir Gunnarsson
• Óskar Sigurðsson

Á fyrsta stjórnarfundi nýrrar stjórnar var Kristín Edwald kosin nýr stjórnarformaður LEX. Við óskum nýrri stjórn velfarnaðar í störfum sínum.

Á hluthafafundi fyrr á árinu voru þau Birgir Már Björnsson, Fanney Frímannsdóttir og Lára Herborg Ólafsdóttir færð í flokk A hluthafa. Við óskum þeim til hamingju.

Þann 18. mars sl. vísaði Héraðsdómur Reykjavíkur frá málum Áfengis- og tóbaksverslunar ríkisins (ÁTVR) gegn Sante ehf., Santewines SAS og Arnari Sigurðssyni. Gerði ÁTVR þær dómkröfur að hinum stefndu yrði gert að láta af þátttöku í smásölu áfengis í vefverslun og að viðurkennd yrði bótaskylda stefndu vegna tjóns sem stefndi hefði beðið vegna þáttöku þeirra í smásölu á áfengi í vefverslun. Dómari hafnaði þessum málatilbúnaði og taldi að ÁTVR hefði ekki lögbundna hagsmuni af því að stöðva vefsölu fyrirtækjanna með áfengi og það væri í verkahring fjármálaráðherra að ákveða hvernig áfengisstefnunni yrði framfylgt, en ekki ÁTVR. Birgir Már Björnsson, lögmaður og eigandi á LEX gætti hagsmuna Sante, Santewines og Arnars Sigurðssonar og var Fjölnir Ólafsson, lögmaður og fulltrúi honum til aðstoðar. ÁTVR var einnig dæmt til að greiða umbjóðendum LEX 1,65 milljón króna í málskostnað.